கவிதைத்துளிகள்

என் மனங்கவர்ந்த மக்கள் டிவி காட்சியை பற்றி என் முந்தைய பதிவை பார்த்திருப்பீர்கள்.

அதில் நான் இன்று ரசித்தது சுவையான கவிதை நிகழ்ச்சி.

வழங்கிய கவிஞரோ திலீபன் கண்ணதாசன் என்பவர். முன்னால் எனக்கு பரிச்சயமில்லாத பெயர். அவரின் பல கவிதைகளை வாசித்தார். நிறம்ப நன்றாக இருந்தன. சில பொசபொசத்து போயின.

என் ஞாபகத்திலிருந்து எனக்கு பிடித்த மூன்று கவிதைகள் இதோ எழுதியிருக்கிறேன். வரிகள் வார்த்தைகளில் சிறிது மாற்றமிருக்கலாம். ...

**********************************

தேடிக்கொண்டிருக்கிறேன்


அவசரமாக ஊருக்குப்போகவேணுமுன்னு ஆயிரத்து நூறு ரூபாய் வாங்கிப்போன கருப்பனையும்,


முப்பத்து முக்கோடி கடவுள் சாச்சியாய் மூணே மாதத்தில் அசலூரில் வேலே நிச்சயமுன்னு மூணு சேவல் ஐநூத்தி ஒரு ரூபா வாங்கிப்போன பூசாரியையும்


ஆணுக்கொன்னு, பெண்ணுக்கொன்னு தனி கழிப்பறை கட்டித்தருவேனுன்னு வாக்கு குடுத்த எம்மெல்லேவையும்...

தேடிக்கொண்டிருக்கிறேன்


******************

முரண்

மனைவி மக்களுடன் கடைவீதியில் போய் வரும்போதுதான் கண்ணில் படுகிறாள் என் பழைய காதலி.

மாதக்கடைசியில் கடிதம் போடாமல் வந்து சேருவார்கள் குடும்பத்தோடு விருந்தினர்கள்.

மருந்து சாப்பிட்டு குணமாகி வீடு திரும்பும்போது அழைப்பிதழோடு வந்து சேருவார்கள் என் நண்பர்கள்...


************************


சோத்துக்கட்சி
வந்துவிட்டது தேர்தல் மாதம். சர்சர் என்று நாலைந்து பிளைமூத்தும் காரும் வந்தது.

தெருவுக்கு தெரு நாலு குழாய் கட்டி பாட்டு

விடிய விடிய எம்ஜியார் சிவாஜி படம் போட்டு கொட்டகாயில் கொண்டாட்டம்.

வெள்ளையும் ஜொல்லையும் ஏக ஆட்கள் ஆரத்தி எடுத்தால் தட்டில் காசு

வீட்டில் அம்மா சொன்னாள். ஒன்னுக்கும் கவலையில்லை. அடிச்சி சாப்பிட்டா ஒரு மாதம் நீ அரிசிக்கஞ்சி.

***********