முஸ்லிம்களும் யாகுதிகளும்

முஸ்லிம்களும் யாகுதிகளும் அண்ணன் தம்பிகளாக நூற்றாண்டுகள் பழகினார்கள். கடந்து வந்த பல நூற்றாண்டுகளில் கடந்த 50 வருடங்களை தவிர முஸ்லிம்கள் யாஹீதிகளை வெறுத்ததாக சரித்திரம் இல்லை. யாஹீதிகளின் நிரந்தர எதிரி கிருத்துவர்கள்தான் என்று இருந்தது சமீப காலம் வரை.

உலகம் முழுவதும் யாகுதிகள் சித்திரவதை படுத்துவது எத்தனையோ நூற்றாண்டுகளாக வழக்கம். கிருத்துவ மதம் ஓங்க ஓங்க யாகுதிகளின் மேல் வெறுப்பை வளர்த்துக்கொண்டது. ஐரோப்பிய சரித்திரத்தில் யாகுதிகளின் ரத்தம் ஓடாத சகாப்தங்கள் கிடையாது என்று ஆனது.

ஆனால், இன்று முஸ்லிம்களும் யாஹீதிகளும் எலியும் பூனையுமாக ஆகிவிட்டார்கள். ஹிஜ்புல்லா என்ற விஷ பிராணி லெபனானில் பல வருடங்களாக குடித்தனம் பண்ணி கொழுத்து வருகின்றது என்பது வெளிப்படை. இதற்கு எந்த நாடும் கண்டிக்க முனைய வில்லை. இந்தியாவையும் சேர்த்துதான். தீவிரவாதம் எந்த வடிவில் இருந்தாலும் நாங்கள் கண்டிக்கிறோம் என்ற கீரல் விழுந்த ரெகார்டையே கேட்டு கேட்டு அலுத்துவிட்டது. ஆனால், இவர்களால் ஒன்றும் பிடுங்க முடியவில்லை.

இஸ்ரேலின் இப்போதைய போர் வெறி அளவுக்கு அதிகமானது. அது நிச்சயம் கண்டிக்க வேண்டியது.

ஆனால், அவர்கள் இந்த எதிர்வினை புரிந்துகொள்ளகூடியது. (இது சப்பைகட்டல் இல்லை. விளக்க பார்வை அவ்வளவே) இந்த உலகில் எந்த ஒரு சமுதாயமும் மற்ற சமுதாயம் அழிய வேண்டும் என்று முயற்சிக்க அவர்களுக்கு உரிமை இல்லை. ஆனால், ஹிஜ்புல்லா என்ற ஒரு சமுதாயம் இதற்காகவே ஜிகாத் நடத்தி வருகிறார்கள். இதை எந்த தன்மானமுள்ள சமுதாயம் சகிக்க முடியாதது.

லெபனான் ஒரு அற்புதமான நாடு. அங்கு க்ரிஸ்துவர்களும், யாஹீதிகளும், முஸ்லிம்களும் கலந்து எல்லா இடங்களிலும் இருக்கிறார்கள். அவர்கள் பெரும்பாலும் ஏழைகள். அரபிக்கார்ர்கள் போன்று திடீர் பெட்ரோலில் கொழுத்தவர்கள் கிடையாது. அவர்கள் எதிர்பார்ப்பதெல்லாம் அவர்கள் குடும்ப பொருளாதாரம் மேன்பட வேண்டும் என்பதே. ஆனால், இன்று 30% லெபனான் பிரஜைகள் அகதிகளாக நாட்டுக்குள் ஓடிக்கொண்டிருக்கிறார்கள்.

இவர்களுக்காக முதலில் கடமைப்பட்டது மத்திய கிழக்கு பணக்கார நாடுகள்தான். ஆனால், அவர்கள் *** கூட அசைக்கவில்லை.

எல்லோரையும் போல வாய்சவடால் விட்டு கும்பலில் கத்தி ஓய்ந்துவிடுகிறார்கள்.



மரியம் யாஹ்யா மருஹ். 75 வயது. விடிகாலை 4.30 க்கு தொழுகைக்கு எழும்போது ராக்கெட்டால் வீழ்த்தப்பட்டார். அவர் குடும்பத்தில் 15 பேரில் 6 பேர் மட்டுமே பிழைத்தார்கள். அவர் மகனும் அந்த மகனின் 5 மகன்களும் இறந்தவர்களில் அடக்கம். 'இஸ்ரேலை நாங்கள் எப்போதுமே வெறுத்ததில்லை. ஆனால், இதுநாள்வரை' என்கிறார் மரியம்.



15 வயது காதீர் ஷைத்தோ. ஷியா. பள்ளி மாணவி. தாடை வாயில் இழப்பால் பேச்சை இழந்துள்ளார். ராக்கெட் தாக்கலில் முகத்தில் புண் மற்றும் எரிகாயம் அதிகமாக. பேரூட்டில் இருக்கும் சொந்தக்கார்ர்களால் 23 ஆம் தேதி ஒரு மினி பஸ் இவர்களை மீட்க வந்து அதில் இவர்கள் ஊரை விட்டு ஓடும் போது ராக்கெட் தாக்கம். மூன்று பேர் இறந்தது இவளுக்கு தெரியும். கடைசியாக ராக்கெட் விழுந்தபோது, வயதான தன் பக்கத்து வீட்டு காரருக்கு இடம் கொடுக்க எழுந்த தந்தை, பின் என்ன ஆனார் என்று இவருக்கு இன்னம் சொல்லப்படவில்லை.

====================

An Eye for an Eye only makes the whole world blind!!!

எங்களால் கண்ணீர் மட்டுமே விட முடிகிறது. அதுவும் ரொம்ப யோசனைக்குபின்.